Xarici xəbərlər
TON istifadəçilərinə BƏƏ-də 10 illik viza imkanı
Blokçeyn platforması TON (The Open Network) Toncoin sahibləri üçün Birləşmiş Ərəb Əmirliklərində 10 illik “Qızıl Viza” proqramının başladıldığını elan edib.
Crossmedia.az xəbər verir ki, bu barədə CNN məlumat verib.
Şirkətin rəsmi saytında yayımlanan məlumata əsasən, proqramda iştirak etmək istəyən şəxslər 3 illik müddətə 100 min dollar investisiya yatırmalı və əlavə olaraq 35 min dollar məbləğində ödəniş etməlidirlər.
Viza əldəetmə prosesinin təxminən yeddi həftə davam edəcəyi bildirilir. Sənəd ərizəçinin həyat yoldaşını, uşaqlarını və valideynlərini də əhatə edəcək.
Nigar Rəhimova
23:45 06.07.2025
Oxunuş sayı: 6787
