BRICS liderləri sammitdə mühüm qərarlar qəbul ediblər
Braziliyanın Rio-de-Janeyro şəhərində keçirilən BRICS sammiti çərçivəsində üzv ölkələrin liderləri yekun bəyannaməni qəbul ediblər. Bəyanatda bir sıra mühüm məsələlərə münasibət bildirilib.
Crossmedia.az xəbər verir ki, bu barədə CNN məlumat verib.
Bəyanatda Rusiyanın Bryansk, Kursk və Voronej vilayətlərindəki körpü və dəmir yolu infrastrukturuna edilən hücumlar (31 may, 1 iyun və 5 iyun tarixlərində) qəti şəkildə pislənib.
Liderlər Ukrayna ilə bağlı aparılan mövcud diplomatik səylərin davamlı və dinc həllə gətirib çıxaracağına ümid etdiklərini bildiriblər.
Bəyanatda qeyd olunub ki, 2026-cı ildə BRICS sammitinə Hindistan ev sahibliyi edəcək.
İrana qarşı həyata keçirilən hərbi zərbələr beynəlxalq hüququn pozulması kimi dəyərləndirilib və pislənib. Həmçinin, İranın Beynəlxalq Atom Enerjisi Agentliyinin (MAQATE) zəmanəti altında olan nüvə obyektlərinə edilən hücumlar da narahatlıqla qarşılanıb.
BRICS liderləri Qəzza Zolağı və İordan çayının qərb sahilinin Fələstin Administrasiyası tərəfindən birləşdirilməsinin vacibliyini vurğulayıblar.
Eyni zamanda, Qəzza ilə bağlı danışıqlarda iştirak edən bütün tərəflər dərhal, daimi və şərtsiz atəşkəsə çağırılıb.
Nigar Rəhimova
00:00 07.07.2025
Oxunuş sayı: 8170
