Xamaneyi İsraillə müharibədən sonra ilk dəfə ictimaiyyət qarşısında göründü
ABŞ və İsrailin təhdidlərinə məruz qalan İran lideri Ayətullah Əli Xamaneyi, İsraillə 12 gün davam edən müharibədən sonra ilk dəfə ictimaiyyət qarşısına çıxaraq Aşura mərasimində iştirak edib.
Crossmedia.az İran mətbuatına istinadən xəbər verir ki, paytaxt Tehrandakı Fələstin prospektində yerləşən iqamətgahında keçirilən Məhərrəm ayı matəm mərasimlərinin əvvəlki üç gecəsinə qatılmayan Xamaneyi, bu gecə təşkil olunan Aşura mərasimində yer alıb.
İran liderinin rəsmi sosial media hesabında paylaşılan görüntülərdə, onun İmam Xomeyni Hüseyniyyəsinə daxil olması ilə mərasim iştirakçılarının “Damarlarımızdakı qan rəhbərimizə hədiyyədir” şüarları səsləndirərək ona sevgi göstərdiyi əks olunub.
ABŞ-nin keçmiş prezidenti Donald Tramp və Təl-Əviv rəhbərliyi, İranla İsrail arasında yaşanan silahlı qarşıdurma zamanı Ayətullah Hamaneyini öldürməklə hədələmişdi.
Müharibə davam edərkən xalqa müraciətlər edən Xamaneyi, atəşkəsdən sonra etdiyi çıxışda isə ABŞ-ni Tel-Əvivin zəifləyən mövqeyini qorumaq üçün hücumlara birbaşa qoşulmaqda ittiham etmişdi.
İranda hər il Xamaneyin iqamətgahında keçirilən Məhərrəm mərasimləri bu il ilk dəfə onun iştirakı olmadan keçirilmişdi. Xamaneyi ardıcıl üç gecə matəm mərasimlərinə qatılmamışdı.
Mədinə Cəlilova
21:10 06.07.2025
Oxunuş sayı: 7577
