ABŞ: “İranın nüvə obyektlərinə hücum dünyaya ordumuzun gücünü göstərdi"
ABŞ-nin müdafiə naziri Pit Heqset “Fox News” telekanalına müsahibəsində deyib ki, ABŞ-nin İranın nüvə obyektlərinə zərbə endirməsi Amerika ordusunun gücünü və peşəkarlığını nümayiş etdirib.
Bu barədə Crossmedia.az ABŞ KİV-ə istinadən məlumat verir.
"Dünya gördü ki, ABŞ dünyanın yarısını fərqinə varmadan necə uça bilir. Bu yaxınlarda güclü hesab edilən düşmən bizim təyyarələrimizi belə aşkar edə və ya onlara atəş aça bilmədi və onun nüvə obyektləri məhv edildi", - deyə, Heqset bildirib.
O, qeyd edib ki, bu, bütün ölkələrə siqnaldır. Heqsetin sözlərinə görə, ABŞ ordusu planetin istənilən nöqtəsində - diqqətdən kənarda və dəqiqliklə fəaliyyət göstərməyə qadirdir.
19:30 06.07.2025
Oxunuş sayı: 7418
