Texasda yanlış hava proqnozu faciə gətirdi: günahkar kimdir?
ABŞ-nin Texas ştatında 59 nəfərin həyatını itirdiyi daşqınlar sonrası yaranan müzakirələr davam edir. Hadisədən əvvəl kifayət qədər tədbir görülməməsi ABŞ-nin Milli Hava Proqnozu Xidmətinin (NWS) verdiyi qeyri-dəqiq və natamam məlumatlarla əlaqələndirilir.
Crossmedia.az xəbər verir ki, CNN International-nin xəbərinə görə, ABŞ-nin Daxili Təhlükəsizlik naziri Kristi Noem bu məsələ ilə bağlı açıqlama verib. O, NWS-ni və hökumətin təcili müdaxiləsini müdafiə edərək, sabiq prezident Donald Trampın hakimiyyətə gəldikdən sonra köhnəlmiş hava proqnozu texnologiyasını yeniləmək istədiyini və bu istiqamətdə işlərin davam etdiyini bildirib.
Noem həmçinin 2026-cı il üçün Tramp administrasiyası tərəfindən təqdim olunan büdcə planına toxunaraq, bəzi hava proqnozu tədqiqat laboratoriyalarının bağlanması və ixtisarların əhatə olunduğunu, bu məsələdə narahatlıqların hökumətə çatdırılacağını və lazımi tədbirlərin görüləcəyini qeyd edib. Nazir əlavə edib: “Hepimiz daha erkən xəbərdarlıq istəyirik. Buna görə uzun müddət diqqətdən kənarda qalmış texnologiyaları yeniləməyə çalışırıq”.
Texaslı yerli rəsmilər NWS barəsində hava proqnozları ilə bağlı yanlış və natamam məlumat verdiyinə görə rəsmi şikayət təqdim ediblər. Sosial mediada yayılan videolarda ştat rəsmilərindən biri, faciə qarşısında kifayət qədər tədbirin görülməməsini NWS-nin qeyri-dəqiq təxminlərinə bağlayıb. Onun sözlərinə görə, NWS bölgədə 10–20 sm arası yağış gözlənildiyini bildirsə də, bu rəqəmlər digər meteoroloqların proqnozları ilə üst-üstə düşməyib.
Donald Tramp prezidentliyi dövründə dövlət xərclərini azaltmaq və qənaət tədbirləri çərçivəsində NWS-in büdcəsində ixtisarlar aparmışdı. Texasda güclü yağışların səbəb olduğu daşqınlar nəticəsində həyatını itirənlərin son rəsmi sayı 59 olaraq açıqlanıb.
Mədinə Cəlilova
21:30 06.07.2025
Oxunuş sayı: 7779
