Rusiya Ukraynada daha iki yaşayış məntəqəsini ələ keçirib
Rusiya Müdafiə Nazirliyi Ukraynanın Xarkov və Donetsk vilayətlərində yerləşən iki yaşayış məntəqəsinin Rusiya qüvvələri tərəfindən ələ keçirildiyini açıqlayıb.
Crossmedia.az nazirliyin yaydığı məlumata əsasən xəbər verir ki, Rusiya Silahlı Qüvvələri Ukrayna cəbhəsində irəliləyiş əldə edib. Bildirilib ki, Xarkov vilayətində yerləşən Sobolevka və özünü “Donetsk Xalq Respublikası” adlandıran ərazidəki Poddubnoye kəndi Rusiya qüvvələrinin nəzarətinə keçib.
Açıqlamada həmçinin qeyd olunub ki, gecə saatlarında Ukraynaya məxsus 120 pilotsuz uçuş aparatı (PUA) Rusiya əraziləri üzərində hava hücumundan müdafiə sistemləri tərəfindən məhv edilib.
Xatırladaq ki, Rusiya Müdafiə Nazirliyi ötən həftə də Xarkov və Donetsk bölgələrində ümumilikdə beş yaşayış məntəqəsinin nəzarətə götürüldüyünü bildirmişdi.
Mədinə Cəlilova
20:10 06.07.2025
Oxunuş sayı: 7707
