Türkiyə Ordusunun 19 əsgəri İraqda mağarada metan qazından zəhərlənib, 5-i həyatını itirib YENİLƏNİB
Şimali İraqda şəhid olan 5 türk hərbi qulluqçusunun kimlikləri açıqlanıb
Crossmedia.az xəbər verir ki, Türkiyə Silahlı Qüvvələrinin Şimali İraqda həyata keçirdiyi əməliyyat zamanı metan qazından zəhərlənərək şəhid olan beş hərbi qulluqçunun kimlikləri rəsmi olaraq açıqlanıb.
Milli Müdafiə Nazirliyinin verdiyi məlumata görə, şəhid olan hərbi qulluqçuların adları aşağıdakılardır:
Kəşfiyyatçı Baş leytenant Ege Akar
Mühəndis xidməti üzrə baş çavuş Abdurrahman Akdoğan
MAHHXHQ əsgər Özkan Özkanlı
MAHHXHQ əsgər Mahsun Yeşildemir
MAHHXHQ əsgər Ahmet Kuşak
Qeyd edək ki, hadisə Şimali İraqın Metina bölgəsində yerləşən bir mağarada baş verib. Ərazidə aparılan əməliyyat zamanı metan qazının sızması nəticəsində beş hərbi qulluqçu zəhərlənərək həyatını itirib, digər iki hərbçi isə xilas edilərək xəstəxanaya yerləşdirilib.
Türkiyə Müdafiə Nazirliyi şəhidlərə Allahdan rəhmət diləyib, ailələrinə və silah yoldaşlarına başsağlığı verib.
18:05
İraqın şimalında bir mağarada əməliyyat-axtarış tədbirləri zamanı Türkiyə Ordusunun 19 hərbçisi metan qazından zəhərlənib, 5-i həyatını itirib.
Crossmedia.az xəbər verir ki , bu barədə Türkiyə Müdafiə Nazirliyi məlumat yayıb.
Qeyd edilib ki, 28 may 2022-ci ildə İraqın şimalında Pençe-Kilit Əməliyyatı bölgəsində əməliyyat-axtarış tədbirləri zamanı PKK terrorçularının açdığı atəş nəticəsində Nuri Melih Bozkurt şəhid olub. Həmin vaxt intensiv atəşlə əlaqədar onun meyitini çıxarmaq mümkün olmayıb. Bu gün – iyulun 6-da Nuri Melih Bozkurtun nəşinin tapılması üçün mağarada əməliyyat-axtarış tədbiri həyata keçirilib və əməliyyat zamanı 19 əsgər metan qazından zəhərlənib.
Vertolyotla xəstəxanaya yerləşdirilən 19 əsgərdən 5-i həyatını itirib.
23:25 06.07.2025
Oxunuş sayı: 10029
