Rusiyada An-2 tipli mülki təyyarə qəzaya uğrayıb: 10 yaralı var, ikisinin vəziyyəti ağırdır
Rusiyanın Zabaykal diyarında An-2 tipli mülki təyyarənin qəzaya uğraması nəticəsində azı 10 nəfər xəsarət alıb. Yaralılardan ikisinin vəziyyəti kritik olaraq qiymətləndirilir. Bu barədə bölgənin Səhiyyə Nazirliyinin nümayəndəsi yerli mediaya məlumat verib.
Crossmedia.az xarici mediaya istinadən bildirir ki, qəza iyulun 6-da Rusiyanın Çita rayonunda baş verib. Yerli Fövqəladə Hallar Xidməti təyyarənin havaya qalxdıqdan təxminən 16 dəqiqə sonra qəzaya uğradığını bildirib.
Zabaykal vilayət xəstəxanasının nümayəndəsinin sözlərinə görə, xəstəxanaya çatdırılan 10 nəfərdən 2-nin vəziyyəti ağırdır, digərləri isə orta ağır dərəcəli bədən xəsarətləri alıb.
Hadisə ilə bağlı araşdırmalara başlanılıb. Təyyarənin hansı səbəbdən qəzaya uğradığı hələlik açıqlanmayıb.
Fatimə Nəbiyeva
09:15 06.07.2025
Oxunuş sayı: 5173
