Məsud Pezeşkian: “Urmiya gölü təkcə ekoloji deyil, milli təhlükəsizlik məsələsidir”
İran Prezidenti Məsud Pezeşkian Urmiyə gölünün quruması ilə bağlı açıqlama verərək, bu problemi yalnız ekoloji yox, eyni zamanda milli təhlükəsizlik məsələsi kimi dəyərləndirib.
“Urmiya gölü yalnız ekoloji problem deyil, bu, həm də milli təhlükəsizlik məsələsidir. Bu problem işsizlik, yoxsulluq, sağlamlıq və demoqrafik sahələrdə ciddi nəticələr doğurur. Bu səbəbdən biz bu məsələyə xüsusi diqqət göstərməliyik”, – deyə Pezeşkian bildirib.
Crossmedia.az İran mətbuatına istinadən xəbər verir ki, o, məsələnin kökündə əvvəlki hökumətlərin səhvlərinin dayandığını vurğulayıb:
“Suallar çoxdur. Onlardan biri də əvvəlki hökumətlərin hansı vədləri verdiyi və bu vədlərin hansını yerinə yetirdiyidir. Biz öncəki hökumətlərin səhvlərini təkrarlamamalıyıq. Bu, son dərəcə vacib məsələdir”.
Pezeşkian əlavə edib ki, Urmiya gölü problemi hazırkı hökumətin gündəmində əsas prioritetlərdən biridir.
21:10 05.07.2025
Oxunuş sayı: 2146
