Aİ İsrailə qarşı cəza tədbirlərini nəzərdən keçirir
Avropa İttifaqının xarici siyasət rəhbəri Kaja Kallasın gələn həftə İsrailin Qəzza zolağındakı hərbi əməliyyatları ilə bağlı mümkün cəza tədbirlərini açıqlayacağı gözlənilir.
Crossmedia.az xəbər verir ki, bu barədə “Euractiv” nəşri məlumat verib.
Mənbələrin bildirdiyinə görə, Avropa İttifaqı bir neçə ssenarini nəzərdən keçirir. Bunlara Aİ ilə İsrail arasında imzalanmış Assosiasiya Sazişinin tam və ya qismən dayandırılması, İsrail rəsmiləri, hərbçiləri və vətəndaşlarına qarşı fərdi tədbirlərin tətbiqi daxildir.
Bundan əlavə, Aİ-nin İsraillə ticarətin məhdudlaşdırılması, silah embarqosunun tətbiqi və elmi-texniki əməkdaşlığın dayandırılması kimi addımları da müzakirə etdiyi bildirilir.
Nigar Rəhimova
17:40 05.07.2025
Oxunuş sayı: 6957
