Fridrix Merz Trampdan Ukraynaya silah yardımı istədi, cavab ala bilmədi
Almaniya kansleri Fridrix Merz ABŞ prezidenti Donald Trampla danışıqlar aparıb. Görüş zamanı kansler Ukraynanın hava hücumundan müdafiə sisteminin gücləndirilməsi və Kiyevə silah tədarükünün bərpası məsələsini gündəmə gətirib.
Crossmedia.az xəbər verir ki , bu barədə xarici KİV məlumat verib.
Hökumət mənbələrinin məlumatına görə, Merz Trampdan Ukraynaya silah göndərişinin yenidən başlamasını xahiş etsə də, bu müraciətə heç bir konkret cavab ala bilməyib. Tramp isə öz növbəsində Kiyevə silah ötürülməsi ilə bağlı hər hansı öhdəlik götürmədiyini açıq şəkildə ifadə edib.
Məlumatda qeyd olunur ki, Almaniya Ukraynaya dəstəyin davam etməsini vacib sayır və bu istiqamətdə beynəlxalq tərəfdaşlarla müzakirələri davam etdirir. Trampın mövqeyi isə ABŞ-nin Ukrayna siyasətində qeyri-müəyyənlik yaradıb.
12:38 05.07.2025
Oxunuş sayı: 2025
