Putin Ukraynaya qarşı “terror yayı” planlaşdırır - ABŞ silah tədarükünü müvəqqəti dayandırıb
Rusiya Prezidenti Vladimir Putin yay aylarında Ukraynaya qarşı genişmiqyaslı hücum planlaşdırır.
Məlumata görə bu plana pilotsuz uçuş aparatları və raketlərlə zərbələr, hərbi hücumlar və enerji infrastrukturunun sıradan çıxarılması daxildir.
Crossmedia.az xarici mediaya istinadən bildirir ki, ABŞ Ukraynaya silah tədarükünün bir hissəsini, o cümlədən hava hücumundan müdafiə sistemlərinin göndərilməsini müvəqqəti olaraq dayandırıb. Bu addım Ukrayna hava məkanını daha da həssas vəziyyətə salır və Rusiya üçün əlavə imkanlar yaradır.
Bildirilib ki , Putin ABŞ Prezidenti Donald Trampla söhbətində Ukraynanı tam nəzarət altına almaq və Qərbin dəstəyini zəiflətmək istədiyini açıq şəkildə bildirib. Nəşr qeyd edir ki, bu məqsədlə Rusiya yay boyunca intensiv təzyiqlərini davam etdirmək niyyətindədir.
Fatimə Nəbiyeva
09:40 05.07.2025
Oxunuş sayı: 8082
