İsrail ordusunun Qəzzada hücumu nəticəsində 20 nəfər həlak olub – HƏMAS atəşkəs təklifinə cavab verməyib
İsrail ordusunun Qəzza zolağında keçirdiyi son əməliyyat zamanı azı 20 nəfər həlak olub. Eyni zamanda, ABŞ prezidenti Donald Tramp vasitəçilər tərəfindən təqdim olunan yeni atəşkəs təklifinə HƏMAS-ın cavabını gözləyir.
Crossmedia.az xarici mediaya istinadən bildirir ki, Reuters agentliyi İsrailin hava və quru əməliyyatlarını intensivləşdirdiyini və bu hücumların əsasən Qəzzanın mərkəzi hissələrində cəmləşdiyini yazır. Bildirilir ki, İsrailin məqsədi HƏMAS döyüşçülərini neytrallaşdırmaq və girovların azad olunmasını təmin etməkdir.
Məlumata görə, beynəlxalq vasitəçilər – ABŞ, Misir və Qətər HƏMAS-a yeni atəşkəs planı təqdim ediblər. Donald Tramp isə bu təşəbbüsü dəstəklədiyini bildirərək, qarşı tərəfdən müsbət cavab gözlədiyini deyib. Lakin hələlik HƏMAS tərəfindən rəsmi mövqe açıqlanmayıb.
BMT və digər humanitar təşkilatlar isə Qəzzada vəziyyətin getdikcə daha da pisləşdiyini, mülki əhalinin təhlükə altında olduğunu bildirirlər. Onlar tərəfləri müharibəni dayandırmağa və dialoqa çağırıblar.
Fatimə Nəbiyeva
18:22 04.07.2025
Oxunuş sayı: 676
