Ermənistan baş prokuroru müraciət etdi - Ohanyanın deputat toxunulmazlığı ləğv edilir
Ermənistanın baş prokuroru parlamentə müraciət edərək “Hayastan” fraksiyasının rəhbəri Seyran Ohanayanın deputat toxunulmazlığının ləğvini istəyib. Bu barədə yerli KİV-lər məlumat yayıb.
Crossmedia.az xarici mediaya istinadən bildirir ki, Seyran Ohanayana qarşı cinayət işi 2010–2015-ci illərdə Gəqarkunik vilayətində yerləşən, 10,5 min kvadratmetr ərazinin qanunsuz mənimsənilməsi ilə bağlıdır. Bildirilir ki, Ohanayan həmin dövrdə müdafiə naziri olub və adıçəkilən ərazini dövlət mülkiyyətindən çıxararaq şəxsi istifadəsinə verib. İddialara görə, o, həmin torpaq sahəsində dövlət büdcəsinin vəsaiti hesabına özünə xüsusi malikanə inşa etdirib.
Cinayət işində fraksiyanın katibi Artsvik Minasyanın da adı hallanır. Məlumata əsasən, onunla bağlı deputat toxunulmazlığının ləğvi üçün müraciət sonrakı mərhələdə təqdim ediləcək.
Fatimə Nəbiyeva
13:47 04.07.2025
Oxunuş sayı: 9455
