Səudiyyəli müdafiə naziri ABŞ-a gizli səfər edib – İran və Qəzza ilə bağlı danışıqlar aparılıb
Səudiyyə Ərəbistanının müdafiə naziri şahzadə Xalid bin Salman ABŞ-a gizli səfər edərək ölkə rəsmiləri ilə İran və Qəzza münaqişəsi barədə danışıqlar aparıb. Bu barədə “Axios” və “Fox News” məlumat yayıb.
Crossmedia.az bildirir ki, görüşdə ABŞ prezidenti Donald Tramp, onun xüsusi nümayəndəsi Stiven Uitkoff və müdafiə naziri Pit Heqset iştirak ediblər. Müzakirələr əsasən İranla gərginliyin azaldılması və Qəzza müharibəsinin dayandırılması mövzularında aparılıb.
Məlumata görə, nazir Trampla görüşdən sonra İran Silahlı Qüvvələrinin Baş Qərargah rəisi Əbdürrəhim Musəvi ilə telefon əlaqəsi saxlayıb. Bu səfər regionda diplomatik təşəbbüslərin canlandırılması kimi qiymətləndirilir.
09:43 04.07.2025
Oxunuş sayı: 8063
