MİT rəhbəri İbrahim Kalın Hakkariyə səfər edib
Türkiyə Milli İstihbarat Təşkilatının (MİT) rəhbəri İbrahim Kalın ötən gün Hakkari bölgəsinə səfər edib. Səfər çərçivəsində o, Yüksekova və Çukurca rayonlarını da ziyarət edib.
Crossmedia.az xəbər verir ki, Kalın Hakkari valisi Əli Çelik və Türkiyə Silahlı Qüvvələrinin 2-ci Ordu komandanı general Levent Ergün ilə görüş keçirib. Görüşdə İraq, İran və Suriya ilə sərhəd bölgələrində təhlükəsizlik məsələləri və həmin ərazilərdə baş verən son hadisələr müzakirə olunub.
Məlumatlara görə, səfərin məqsədi bölgədəki təhlükəsizlik vəziyyətini yerində qiymətləndirmək və sərhəd xəttində baş verə biləcək mümkün təhdidlərə qarşı qabaqlayıcı tədbirlərin görülməsi olub. Görüş zamanı regional sabitliyin qorunması və sərhəd xəttində əməkdaşlığın gücləndirilməsi kimi məsələlər də diqqət mərkəzində olub.
Fatimə Nəbiyeva
09:28 04.07.2025
Oxunuş sayı: 8571
