KİV: Uitkof gələn həftə Osloda Abbas Əraqçı ilə görüşə bilər
ABŞ nümayəndəsi Brett Uitkof İranla danışıqları davam etdirmək məqsədilə gələn həftə Norveçin paytaxtı Osloda İranın yüksək rütbəli diplomatı Abbas Əraqçı ilə görüşməyi planlaşdırır.
Crossmedia.az xarici KİV-ə istinadən xəbər verir ki, görüşün konkret tarixi hələ dəqiqləşməyib və nə ABŞ, nə də İran tərəfi bu planı rəsmi olaraq təsdiqləyib.
Uitkof və Əraqçı 12 günlük müharibə zamanı və ondan sonra birbaşa əlaqədə olublar. Danışıqlarda Oman və Qətər rəsmiləri də vasitəçi kimi iştirak ediblər.
Əgər görüş baş tutarsa, bu, prezident Trampın keçən ay İranın nüvə obyektlərinə misli görünməmiş hərbi zərbə əmri verməsindən sonra Vaşinqton və Tehran arasında ilk birbaşa təmas olacaq.
Tərəflərin qarşılıqlı gərginliyi azaltmaq və diplomatik kanalları açıq saxlamaq cəhdləri yaxın günlərdə yeni geosiyasi dinamikaların formalaşmasına səbəb ola bilər.
02:47 04.07.2025
Oxunuş sayı: 8858
