“Azərbaycan və Özbəkistan arasında milli dəyərlərə əsaslanan mədəni əməkdaşlıq formalaşır” - Deputat
“Azərbaycanla Özbəkistan arasında əməkdaşlığın və ticarət əlaqələrinin sürətlə inkişaf edir. Çox sevinirəm ki, Azərbaycanla Özbəkistan Respublikası arasında əməkdaşlıq bütün sahələrdə dinamik inkişaf edir. Qısa zaman kəsiyində ölkələrimiz arasında əmtəə dövriyyəsi, xarici ticarət dövriyyəsi artmışdır. Xarici ticarət dövriyyəsinin strukturunun təkmilləşdirilməsi istiqamətində konkret addımlar atılır”.
Bu sözləri Özbəkistan Prezidenti Şavkat Mirziyoyevin Azərbaycana səfəri barədə Crossmedia.az-a danışan Milli Məclisin deputatı Ziyad Səmədzadə deyib.
“Özbəkistan Prezidentinin Azərbaycana növbəti səfəri, heç şübhəsiz ki, Azərbaycan–Özbəkistan əlaqələrinin inkişafına çox güclü təsir edəcəkdir. Mən cənab Prezident İlham Əliyevin, eləcə də Özbəkistan liderinin çıxışlarını böyük həvəslə dinlədim. Bu çıxışlardan bir daha aydın oldu ki, Azərbaycan və Özbəkistan strateji tərəfdaşdırlar”.
Deputat Azərbaycan və Özbəkistan arasında iqtisadi əməkdaşlığın gücləndirildiyini və bu məqsədlə investisiya fondunun yaradıldığını bildirib: “Azərbaycan və Özbəkistan xalqlarının rifahı üçün böyük tədbirlər həyata keçirirlər. Qısa zaman ərzində Azərbaycan–Özbəkistan əlaqələrinin inkişafı məqsədilə investisiya fondu yaradılmışdır. 500 milyon dollar həcmində olan bu fond artıq fəaliyyətə başlamışdır. Cənab Prezident bəyan etdi ki, əlbəttə, bu kifayət deyil və biz əməkdaşlığımızın bütün istiqamətlərinin inkişafına nail olacağıq. Rəsmi Bakı və Daşkənd Türk dünyasında mühüm rol oynadığı və əməkdaşlıqlarının ölkələrin inkişafına xidmət edir. Azərbaycan və Özbəkistan arasında əməkdaşlığın ana xətti ölkələrin inkişaf səviyyəsini yüksəltməkdir. Türk dünyasında, türk dövlətləri içərisində Azərbaycanın və Özbəkistanın özünəməxsus yeri və sözü vardır. Bu ölkələrin zəngin təbii sərvətləri, dinamik inkişaf edən iqtisadiyyatları və əlverişli demokratik şəraiti var. Bütün bunlar sülh, əmin-amanlıq və qanunun aliliyi şəraitində bu istiqamətlərin sürətlə inkişafına imkan verir”.
Deputat Qədim İpək yolunun bərpasının Azərbaycan və Özbəkistan üçün iqtisadi və siyasi faydaları və əməkdaşlığın xalqların inkişafına təsirini də diqqətə çatdırıb: “Ən mühüm məsələlərdən biri Qədim İpək yoludur. Bu yol bilavasitə Özbəkistandan keçir. Qədim İpək yolunun bərpası həm Azərbaycan, həm də Özbəkistan üçün daimi kapital, daimi gəlir mənbəyi və siyasi güc deməkdir. Çünki Azərbaycan və Özbəkistan arasında əməkdaşlığın genişlənməsi böyük və əzəmətli nəticələr verəcək və bu da hər iki xalqın inkişafına səbəb olacaqdır. Yaxın günlərdə Milli Məclisin sədri Sahibə xanımın rəhbərliyi ilə Özbəkistanda səfərdə olduq. Parlamentdə görüşlər keçirdik. Bu, Azərbaycan və Özbəkistan arasında keçirilən parlamentlərarası birinci forum idi. Mən də bu forumda iştirak etdim və bir bölmənin moderatoru oldum. Çıxışımda Azərbaycan və Özbəkistan arasında əməkdaşlığın səviyyəsinə diqqət çəkdim. Eyni zamanda, hər iki Prezidentin təsdiqlədiyi iqtisadi əməkdaşlıq istiqamətlərinə uyğun olaraq fikirlərimi açıqladım. Əminəm ki, Azərbaycan və Özbəkistan əməkdaşlığı müxtəlif istiqamətlərdə inkişaf edir”.
Z.Səmədzadə iki dövlət arasında arasında kənd təsərrüfatı, təhsil, elmi-nəzəri və sənaye sahələrində əməkdaşlığın genişlənəcəyin bildirib: “Artıq biz kənd təsərrüfatı sahəsində böyük işlərə başlamışıq. Prezidentin də vurğuladığı kimi, Azərbaycanda – Füzuli rayonunda Uluqbəy adına bir məktəb açılır. Bu məktəbin açılması həm Azərbaycan, həm də Özbəkistan üçün tarixi bir hadisədir. Biz indi elmi-nəzəri sahədə əməkdaşlığı genişləndirəcəyik, maşınqayırma sahəsində də əməkdaşlıq genişlənəcəkdir. Dövlətlər arasında təbii sərvətlərdən səmərəli istifadə, diplomatik münasibətlər və mədəni əməkdaşlıq sahələrində atılan addımlardan və bu əlaqələrin xalqa sevinc bəxş edir. Təbii sərvətlərdən səmərəli istifadə olunması ilə bağlı konkret sazişlər imzalanır. Bu çoxşaxəli sazişlər müxtəlif istiqamətləri əhatə edir. Azərbaycanda Özbəkistan dövlətinin yeni səfirliyinin açılması, Özbəkistan parkının təməlinin qoyulması və bu mərasimlərdə həm Prezident İlham Əliyevin, həm də Prezident Şavkat Mirziyoyevin çıxışları sevindirici anlar idi. Xalqımız bu sevinci yaşayır.
Siyasətçi Azərbaycan və Özbəkistan arasında milli dəyərlərə əsaslanan mədəni əməkdaşlığın formalaşmalaşdırıldığını qeyd edib: "İki türk dövləti arasında sıx əməkdaşlıq formalaşır. Bu əməkdaşlığın əsası ilk növbədə milli dəyərlərimizin qorunmasıdır. Biz Özbəkistanda olarkən onların musiqisini dinlədik – nə qədər məzmunlu, vətənpərvərlik ruhu ilə dolu ifalar idi. Eyni zamanda, onların da Azərbaycan musiqisinə və mədəniyyətinə böyük marağı var".
Mehriban Yariyeva
18:35 03.07.2025
Oxunuş sayı: 927
