ABŞ Ukraynaya silah tədarükünü dayandırıb - rəsmi açıqlamalarda ziddiyyət var
ABŞ hakimiyyəti Ukraynaya silah göndərilməsini tamamilə dayandırıb. Bu barədə “The Economist” nəşri Ukrayna rəsmilərinə istinadla məlumat yayıb. Məlumata görə, tədarükün dayandırılması mərmilər və ehtiyat hissələri də daxil olmaqla, bütün silah və sursatları əhatə edir.
Crossmedia.az xarici mediaya istinadən bildirir ki, Kiyev Vaşinqtonun bu addımını ABŞ prezidenti Donald Trampın administrasiyasının Ukraynadan siyasi güzəştlər əldə etməyə çalışması ilə əlaqələndirir. Qeyd olunur ki, bu hal mart ayının əvvəlində Tramp və Ukrayna Prezidenti Volodimir Zelenski arasında yayımlanan mübahisədən sonra da müşahidə edilmişdi. Həmin vaxt ABŞ bir müddət silah göndərişini və kəşfiyyat əməkdaşlığını dayandırmışdı.
Bununla belə, ABŞ rəsmiləri Ukraynaya təzyiq göstərildiyini və silah tədarükünün tam dayandırıldığını təkzib edirlər. Pentaqonun baş sözçüsü Şon Parnell bildirib ki, tədarüklər davam edir, lakin detalları açıqlamayıb. Pentaqon isə bu fasilənin ABŞ-nin “hərbi hazırlığı və müdafiə prioritetlərini qorumaq məqsədi daşıdığını” bəyan edib.
Fatimə Nəbiyeva
17:01 03.07.2025
Oxunuş sayı: 737
