Ermənistan Trampın Zəngəzur dəhlizi ilə bağlı təklifini təkzib etmədi
Ermənistan Xarici İşlər Nazirliyinin mətbuat katibi Ani Badalyan ABŞ prezidenti Donald Tramp administrasiyası tərəfindən Zəngəzur dəhlizinin açılması ilə bağlı təklifə münasibət bildirib. O qeyd edib ki, beynəlxalq tərəfdaşlarla müzakirələr davam edir.
Crossmedia.az xarici mediaya istinadən bildirir ki, bu təklif Azərbaycanın təhlükəsizlik təminatları ilə bağlı tələblərini ödəyə bilər. Eyni zamanda, Ermənistanın suverenliyini qorumaqla yanaşı, Rusiyanı prosesdən kənar saxlamağı nəzərdə tutur.
Badalyan əlavə edib ki, beynəlxalq tərəfdaşlar Ermənistan-Azərbaycan münasibətlərinin normallaşdırılması, o cümlədən nəqliyyat yollarının açılması ilə bağlı mütəmadi olaraq müxtəlif təkliflər irəli sürürlər.
Rəsmi İrəvan ABŞ tərəfindən irəli sürülən təkliflə bağlı xəbəri birbaşa təkzib etməyib.
Fidan Qarayeva
14:05 03.07.2025
Oxunuş sayı: 963
