İran XİN: “Diplomatiyanın qapıları heç vaxt tam bağlanmayacaq”
İranın xarici işlər naziri Abbas Əraqçı bildirib ki, “amerikalıların son addımları nə İrana, nə də vasitəçi olan Oman tərəfinə qarşı yönəlib – bu, birbaşa diplomatiya prinsipinə xəyanətdir”.
Crossmedia.az xarici KİV-ə istinadən xəbər verir.
Əraqçı eyni zamanda qeyd edib ki, İranın rəsmi mövqeyi nüvə silahının əleyhinə olmaqdır. O, bu yanaşmanın dəyişməz qaldığını vurğulayaraq deyib: “Diplomatiyanın qapıları heç vaxt tam bağlanmayacaq.”
Nazir həmçinin son hərbi toqquşmalara toxunaraq bildirib ki, İran hücumlar zamanı özünü uğurla müdafiə edib. Onun sözlərinə görə, Tehran beynəlxalq təzyiqlərə və təxribatlara baxmayaraq, hələ də danışıqlara açıqdır.
13:34 03.07.2025
Oxunuş sayı: 9469
