Çin və Avropa İttifaqı beynəlxalq mübahisələrin sülh yolu ilə həllinə çağırır
Çinin Xarici İşlər naziri Vanq Yi, Çin və Avropa İttifaqının beynəlxalq mübahisələrin sülh yolu ilə həllini təşviq etməli və qlobal problemlərin birgə həllinə çalışmalı olduğunu bildirib.
Crossmedia.az xəbər verir ki, bu barədə Çin Xarici İşlər Nazirliyinin saytında məlumata yayılıb.
Vanq Yi hər iki tərəfi çoxtərəfli əməkdaşlıq və azad ticarət prinsiplərinə sadiq qalmağa, beynəlxalq qayda və nizamı qorumağa, münaqişələrin dinc yolla həllini təşviq etməyə və iqlim dəyişikliyi kimi qlobal çağırışlara birlikdə cavab verməyə çağırıb.
Qeyd edək ki, bu açıqlama, iyulun 2-də Vanq Yinin Brüsseldə Avropa Komissiyasının Prezidenti Ursula fon der Lyayen ilə görüşü zamanı səsləndirilib.
Xumar Emilqızı
09:24 03.07.2025
Oxunuş sayı: 7790
