Tramp canlı yayımda ağır ifadə işlətdi
ABŞ-nin prezidenti Donald Tramp yenidən sərt çıxışı ilə gündəmə gəlib. O, İsrail və İran arasında gərginliklə bağlı canlı yayım zamanı ağır ifadə işlədib.
Crossmedia.az xəbər verir ki, bu barədə CNN Türk məlumat verib.
Tramp NATO Zirvəsinə yola düşməzdən əvvəl jurnalistlərin suallarını cavablandırarkən tərəflərin davranışına sərt reaksiya verib. O bildirib:
“İki ölkə elə uzun müddət və elə intensiv şəkildə münaqişə edir ki, artıq nə etdiklərinin fərqində deyillər… Lənət olsun!”
Bu ifadə sosial şəbəkələrdə və mediada geniş müzakirələrə səbəb olub. Bəziləri Trampın açıq danışığını dəstəkləsə də, digərləri bu cür sözlərin bir siyasətçiyə yaraşmadığını vurğulayıb.
Qeyd edək ki, bu, Trampın canlı yayımda açıq şəkildə kobud ifadə işlətməsi ilə bağlı ilk hal deyil. Onun sərt ritorikası, xüsusilə beynəlxalq məsələlərə münasibətdə daha əvvəl də tənqidlərə səbəb olmuşdu.
Nigar Rəhimova
16:46 02.07.2025
Oxunuş sayı: 8732
