İƏT Gənclər Forumunun nümayəndə heyəti Ağdam şəhərinə səfər edib

İqtisadi Əməkdaşlıq Təşkilatının (İƏT) Gənclər Forumunda iştirak edən nümayəndə heyəti iyunun 30-da işğaldan azad olunmuş Ağdam şəhərinə səfər edib. Bu barədə məlumatı Gənclər və İdman Nazirliyi yayıb.

Səfər çərçivəsində 7 ölkədən 100-dən artıq nümayəndə Ağdamda aparılan genişmiqyaslı bərpa və quruculuq işləri ilə tanış olub. Ekskursiya zamanı qonaqlar Ağdam Dəmir Yolu və Avtovağzal Kompleksi, Ağdam Muğam Mərkəzi və tarixi Ağdam Cümə Məscidini ziyarət ediblər. Nümayəndələr şəhərin keçmişi və yenidən qurulan gələcəyi barədə ətraflı məlumat alıblar.

Səfərin sonunda iştirakçılar üçün Azərbaycan mədəniyyətini əks etdirən ziyafət və mədəni-əyləncəli proqram təşkil olunub.

Qeyd edək ki, İƏT Həftəsi çərçivəsində keçirilən Gənclər Forumu regionda gənclərin regional siyasətdə rolunun artırılması və onların gələcək nəsillərə verdiyi töhfələrin tanıdılması baxımından mühüm platforma hesab olunur.

🖨 Çap et

07:36 01.07.2025

Oxunuş sayı: 8340