İran Ukraynanın müvəqqəti işlər vəkilini XİN-ə çağırıb
Ukraynalı rəsmilərin İsrail və ABŞ-nin İrana qarşı mümkün hərbi əməliyyatları ilə bağlı verdiyi bəyanatlardan sonra Tehran rəsmiləri Ukraynanın bu ölkədəki müvəqqəti işlər vəkilini İran Xarici İşlər Nazirliyinə çağırıblar.
Crossmedia.az xəbər verir ki, İran XİN-in yaydığı məlumata görə, görüş zamanı Ukrayna diplomatına rəsmi etiraz təqdim olunub.
Bildirilib ki, Ukrayna rəsmilərinin "sionist rejimin" hərbi hücumunu dəstəkləyən mövqeyi BMT Nizamnaməsinin məqsəd və prinsiplərinə ziddir və beynəlxalq hüquqa hörmətsizlik kimi qiymətləndirilir.
Ukraynanın müvəqqəti işlər vəkili İran tərəfinin narahatlığını Ukrayna hökumətinə çatdıracağını bildirib.
18:31 30.06.2025
Oxunuş sayı: 1094
