ABŞ-dən İranla bağlı "U dönüşü": Sanksiyaların ləğvi o deməkdir ki...
ABŞ Prezidenti Donald Tramp "Fox News"a müsahibəsində deyib ki,
“Əgər onlar
sülhpərvər ola bilsələr və bizə daha heç bir zərər verməyəcəklərini göstərə
bilsələr, mən sanksiyaları ləğv edəcəyəm”, - o deyib.
Prezidentin
sözlərinə görə, İrana qarşı sanksiyaların ləğvi “böyük əhəmiyyətli olacaq”.
Eyni zamanda Tramp faktiki olaraq İranın gizli nüvə obyektinə malik olduğunu
iddia edib.
“Biz bilirdik ki,
İranın çoxlu nüvə obyektləri var, yəqin ki, üç əsas obyekt və daha biri”, - o
deyib.
Eyni zamanda, Ağ Ev
rəhbəri hesab etmir ki, Tehran ABŞ-nin zərbələrinə başlamazdan əvvəl
zənginləşdirilmiş uranı nüvə obyektlərindən çıxara bilib. "Xeyr, əvvəla,
bunu etmək çox çətindir. Bu, çox təhlükəlidir. Bundan başqa, heç kim Fordo
obyektini vuracağımızı düşünmürdü, çünki hamı onun keçilməz olduğunu deyirdi.
Məncə, obyektdə insanlar var idi, deyirlər, orada maşınlar var. Bu insanlar
bombanın düşəcəyi ehtimalı yüksək olan girişi betonlamağa çalışırdılar", -
o əlavə edib.
Vaşinqtonun Tehranla bağlı bu ritorikası barədə Crossmedia.az-a danışan politoloq, Orta Doğu Araşdırmalar Mərkəzinin sədri Sədrəddin Soltanın sözlərinə 2015-ci ildə İranla bağlanmış nüvə razılaşması nəticəsində sanksiyaların ləğvi və bunun ABŞ və İsrailin narahatlığına səbəb olmasından söz açaraq başlayıb: "Əslində nüvə məsələsi ilə bağlı İsrail və ABŞ-nin İrana hücumları elə bu sanksiyaların ləğv edilməsi ilə əlaqədardır. Çünki 2015-ci ilin iyulunda imzalanmış əhatəli razılaşma müqaviləsinə görə İranın nüvə proqramı ilə bağlı sanksiyalar aradan qaldırılırdı. İranın nüvə proqramının hərbi mahiyyətli olmaması təsdiqlənsə, o zaman İrana qarşı nüvə məsələsi ilə bağlı sanksiyalar aradan qaldırılacaq. Tramp da, çox güman ki, bu məsələni nəzərdə tutub. Çünki İrana qarşı təkcə nüvə məsələsi ilə bağlı sanksiyalar tətbiq olunmayıb. İrana insan haqlarının pozulmasına görə, terrorçuluğu dəstəklədiyinə görə və s. məsələlərə görə də məhdudiyyətlət tətbiq edilir".
S.Soltan vurğulayıb ki, İranın nüvə proqramı ətrafında aparılan danışıqlardan və bu proqramın dinc məqsədli olub-olmamasına görə tətbiq olunan sanksiyaları aradan qaldırıla bilər: "Ancaq bu danışıqlar, görüşlər mahiyyətində dayanan başlıca məqsəd İranın nüvə proqramıdır. Dinc məqsədli olarsa, bu istiqamətdə tətbiq olunan sanksiyalar aradan qaldırılacaq. Əlbəttə ki, doğrudan da, nüvə proqramı sülhməramlı, dinc məqsədli olarsa, o zaman birbaşa danışıqlar artar, görüşlər çoxalar, tərəflərin bir-birinə etibarı və etimadı artar. Nəticə etibarı ilə münasibətlərdə regiondakı gərginlik azalır. Bu iki tərəfli münasibətlərə də, çox tərəfli münasibətlərə də müsbət təsir göstərə bilər".
Fatimə Nəbiyeva
16:57 30.06.2025
Oxunuş sayı: 1401
