Tramp: “İran sülhpərvər olsa, sanksiyaları ləğv edə bilərik”
ABŞ Prezidenti Donald Tramp İranın konstruktiv yanaşma nümayiş etdirməsi halında bu ölkəyə qarşı tətbiq edilən sanksiyaların ləğv edilə biləcəyini bəyan edib.
Crossmedia.az xəbər verir ki, Tramp bu fikirləri “Fox News” telekanalına verdiyi müsahibədə səsləndirib.
Amerika lideri bildirib ki, İsrailin İrana qarşı hava zərbələri uğurla icra olunub və hər iki tərəf artıq bu qarşıdurmadan yorulub.
O, eyni zamanda, İranın hücumlar ərəfəsində zənginləşdirilmiş uranı başqa əraziyə köçürməsi ilə bağlı yayılan iddiaları rədd edib:
“Onlar sadəcə yaşamağa çalışırdılar. Bizim bu cür addımlar ata biləcəyimizi gözləmirdilər”.
Tramp əlavə edib ki, ABŞ-nin İrana qarşı mövcud sanksiyaları hələ də qüvvədədir:
“Əgər İran öz öhdəliklərini yerinə yetirsə, sülhpərvər davranaraq əməkdaşlığa açıq olsa və gələcəkdə zərər verməyəcəyinə dair zəmanət versə, bu halda sanksiyaların ləğvini nəzərdən keçirməyə hazıram”.
21:50 29.06.2025
Oxunuş sayı: 627
