Rusiya Ukraynada yaşayış binalarına zərbə endirib
Rusiyanın Ukraynanın Çerkassı vilayətinin Smela şəhərinə hücumu nəticəsində 11 nəfər yaralanıb.
Crossmedia.az bu barədə RBC.ua-ya istinadən xəbər verir.
"Artıq 11 nəfər tibbi yardım üçün müraciət edib. Onlardan ikisi uşaqdır. Onlara bütün lazımi yardımlar göstərilir", - vilayət rəhbəri İqor Taburets bildirib.
İlkin məlumatlara görə, üç raket və səkkiz pilotsuz uçuş aparatı şəhərin yaşayış massivinə düşüb. Taburetsin sözlərinə görə, düşmən mülki infrastrukturu hədəf alıb.
Smelada üç doqquzmərtəbəli binaya, fərdi evlərə və avtomobillərə xeyli ziyan dəyib. Ən azı dörd təhsil müəssisəsi, ruhi xəstəxana da ziyan çəkib, Milli Qida Texnologiyaları Universitetinin kollecinin tədris binası demək olar ki, tamamilə dağılıb.
20:13 29.06.2025
Oxunuş sayı: 7541
