Ermənistanda Paşinyanın yerinə namizəd axtarılır
Müxalifətdə olan "Ayastan" fraksiyası Ermənistanın baş naziri Nikol Paşinyana qarşı etimadsızlıq təşəbbüsünə qoşuldu.
Crossmedia.az xəbər verir ki, bu barədə “Sputnik Armenia” məlumat yayıb.
Fraksiya bu prosesə 28 deputatın imzası ilə dəstək verərək, baş nazir postuna Ermənistan Apostol Kilsəsinin nümayəndəsi, arxiyepiskop Mikael Acanpaxyanın namizədliyini irəli sürüb.
Qeyd edək ki, etimadsızlıq təşəbbüsünü ilk olaraq müxalif deputatlar Ovik Aqazaryan və Akop Aslanyan irəli sürmüşdülər. Onlar baş nazir vəzifəsinə “Maariflənmiş Ermənistan” partiyasının lideri Edmon Marukyanın namizədliyini təklif etmişdilər.
Lakin Edmon Marukyan bu gün verdiyi açıqlamada öz namizədliyindən imtina etdiyini və arxiyepiskop Mikael Acanpaxyanın namizədliyini dəstəklədiyini bildirib.
“Ermənistan Apostol Kilsəsi (AAK) ətrafında yaranmış vəziyyəti və təşəbbüsün başlatıldığını nəzərə alaraq, fraksiya bu prosesə 28 imza ilə qatılır,” – deyə fraksiyanın yaydığı rəsmi açıqlamada bildirilir.
Xumar Emilqızı
21:09 27.06.2025
Oxunuş sayı: 9565
