ABŞ və Pakistan İsrail-İran sülhünü müzakirə etdilər
ABŞ dövlət katibi Marko Rubio ilə Pakistanın Baş naziri Şahbaz Şərif arasında telefon danışığı baş tutub. Danışıq zamanı tərəflər İsrail və İran arasında davamlı sülhün təmin olunmasında İslamabadın rolunu müzakirə ediblər.
Crossmedia.az xəbər verir ki, bu barədə ABŞ Dövlət Departamentinə istinadən Reuters məlumat yayıb.
"Dialoq zamanı tərəflər İsrail və İran arasında davamlı sülhə töhfə vermək üçün birgə əməkdaşlığın vacibliyini vurğuladılar", – deyə bəyanatda qeyd olunub.
Marko Rubio, həmçinin bildirib ki, "İran heç vaxt nüvə silahı hazırlaya və ya əldə edə bilməyəcək".
Xatırladaq ki, ötən həftə ABŞ Prezidenti Donald Tramp Ağ Evdə Pakistan ordusunun baş komandanı, feldmarşal Asim Munir ilə görüş keçirib. Görüş zamanı əsas müzakirə mövzularından biri İran olub. Trampın sözlərinə görə, “Pakistan İranı digər əksər ölkələrdən daha yaxşı tanıyır”.
Xumar Emilqızı
11:50 27.06.2025
Oxunuş sayı: 10568
