Tramp Putinlə sülh danışıqları üçün Türkiyəyə gəlməyə hazırdır - Ərdoğan
ABŞ Prezidenti Donald Tramp Rusiya lideri Vladimir Putinin Ukrayna ilə bağlı sülh razılaşmaları üçün Türkiyəyə gələcəyi təqdirdə, özü də İstanbula və ya Ankaraya səfər etməyə hazır olduğunu bildirib.
Crossmedia.az xarici KİV-ə istinadən xəbər verir ki, bu barədə Türkiyə Prezidenti Rəcəb Tayyib Ərdoğan NATO sammitinin keçirildiyi Haaqadan qayıdarkən Anadolu agentliyinə açıqlamasında deyib.
“Əsas məqsədimiz ölkəmizdə liderlər səviyyəsində görüş təşkil edib, çoxdan gözlənilən sülhə nail olmaqdır. Bu barədə Haaqada ABŞ Prezidenti cənab Trampa da məlumat verdim. O da bildirdi ki, əgər Rusiya Prezidenti Vladimir Putin İstanbul və ya Ankaraya gələrsə, o da gələcək. Biz lazım olan diplomatik təmasları quracağıq və ümid edirəm ki, tezliklə bu görüş baş tutacaq”, – deyə Ərdoğan vurğulayıb.
Fatimə Məmmədova
15:41 26.06.2025
Oxunuş sayı: 7590
