Türkiyə Prezidenti: “Yaxın Şərqdə sülh naminə birgə səylər göstərilməlidir”
Türkiyə Prezidenti Rəcəb Tayyib Ərdoğan İsrail və İran arasında ABŞ-nin vasitəçiliyi ilə əldə olunan atəşkəsi alqışlayıb. O, tərəfləri razılaşmanın şərtlərinə qeyd-şərtsiz əməl etməyə çağırıb və bildirib ki, son gərginlik bütün bölgəni ciddi fəsadlar təhlükəsi ilə üz-üzə qoyub.
Crossmedia.az xarici mediaya istinadən bildirir ki, Türkiyə lideri münaqişənin ilk günlərindən etibarən Ankaranın regionda vəziyyətin daha da gərginləşməsinin qarşısını almaq üçün fəal diplomatik təşəbbüslər göstərdiyini qeyd edib.
“İsrailin təhlükəsizliyi, regiondakı bütün ölkələrin təhlükəsizliyi kimi, onun qonşularında sabitliyin, sülhün və rifahın təmin olunmasından birbaşa asılıdır. İranla fikir ayrılıqlarının aradan qaldırılması yalnız diplomatik yolla mümkündür. Bu bölgənin tarixi göstərir ki, müharibə və dağıntılar heç zaman davamlı həll yolu gətirməyib” – deyə Ərdoğan bildirib.
Fatimə Nəbiyeva
11:24 26.06.2025
Oxunuş sayı: 8482
