Tehran NPT-dən çıxmaq hədəsi ilə geosiyasəti sarsıdır
İran Xarici İşlər Nazirliyinin sözçüsü İsmayıl Bəqayi Tehranın Nüvə Silahlarının Yayılmaması Müqaviləsi (NPT) üzrə öhdəliklərini yeni vəziyyətə uyğun şəkildə yenidən gözdən keçirdiyini açıqlayıb.
Crossmedia.az xəbər verir ki, o, İranın bu saziş çərçivəsindəki hüquqlarının qorunmasının vacibliyini vurğulayıb.
Bəqayi bildirib ki, İran müqavilədə qalacağı təqdirdə yalnız öhdəliklərini yerinə yetirməklə kifayətlənməyəcək, orada təsbit olunmuş hüquqlardan da məhrum edilə bilməz:
“Əgər İran NPT-də qalarsa, sadəcə öhdəliklərini qəbul edib, müqavilədə nəzərdə tutulmuş hüquqlardan məhrum oluna bilməz” – deyə Nazirlik sözçüsü qeyd edib.
O, son aylarda baş verən geosiyasi və diplomatik proseslərin Tehranın mövqeyinə təsir etdiyini vurğulayaraq bildirmişdir:
“Baş verənlər tamamilə yeni və misilsiz şərait yaradıb. Bu, şübhəsiz ki, İran siyasətçilərinin və qərar qəbuledənlərin mövqeyinə təsir edəcək. Hal-hazırda biz qərarvermə mərhələsindəyik.”
Ekspertlər hesab edirlər ki, əgər İran NPT-dən çıxmaq qərarına gəlsə, bu, bölgədə nüvə gərginliyini daha da artıracaq və beynəlxalq ictimaiyyətin ciddi narahatlığına səbəb olacaq.
00:30 26.06.2025
Oxunuş sayı: 610
