Ərdoğandan İsrailə sərt mesaj: “Zülmə səssiz qalmayacağıq”
“Türkiyə sülh ölkəsidir. Biz İsrailin zülmünə qarşı dayanacağıq. İsrailin təhlükəsizliyi bölgədəki bütün ölkələrin sabitliyindən, sülhündən və firavanlığından asılıdır”.
Crossmedia.az türk mətbuatına istinadən xəbər verir ki, bunu Türkiyə Prezidenti Rəcəb Tayyib Ərdoğan deyib.
Prezident həmçinin NATO üzvü ölkələrə hərbi xərclərin artırılması ilə bağlı çağırış edib:
“10 il kifayət qədər uzun bir müddətdir ki, NATO ölkələri müdafiə xərclərini ümumi daxili məhsulun (ÜDM) 5 faizinə çatdırsınlar”.
F-35 döyüş təyyarələri məsələsinə də toxunan Ərdoğan ABŞ prezidenti Donald Trampın yanaşmasını müsbət dəyərləndirib:
“F-35-lər üçün 1,3–1,4 milyard dollar ödədik. Tramp bu məsələdə təyyarələrin Türkiyəyə çatdırılmasına dair yaxşı niyyət göstərdi”.
Türkiyə lideri Rusiya-Ukrayna müharibəsinə də münasibət bildirərək, sülh üçün yeni imkanların yarandığını qeyd edib:
“Hesab edirəm ki, Rusiya ilə Ukrayna arasında atəşkəs və davamlı sülh üçün yeni bir fürsət pəncərəsi açılıb”.
23:31 25.06.2025
Oxunuş sayı: 566
