NATO Baş katibi Trampın Yaxın Şərq açıqlamasını zarafatla şərh etdi
NATO-nun yeni baş katibi Mark Rutte ABŞ Prezidenti Donald Trampın Yaxın Şərqdəki vəziyyətlə bağlı fikirlərini zarafatla qarşılayıb.
Crossmedia.az xəbər verir ki, bu barədə xarici KİV yazıb. Haaqda jurnalistlərin suallarını cavablandıran Rutte, İsrail və İran arasında atəşkəs rejiminin pozulmasını şərh edərkən Trampın sözlərini xatırladıb:
“İsrail və İran məktəb həyətində dalaşan uşaqlar kimidirlər. Onlara 2-3 dəqiqə vaxt verin, sonra asanlıqla sakitləşirlər”, – deyə Tramp bildirmişdi.
Bu fikrə gülərək reaksiya verən Rutte isə əlavə edib:
“Bəzən ataların sərt ifadələr işlətməsi qaçılmaz olur”.
Qeyd edək ki, son günlər Yaxın Şərqdə artan gərginlik beynəlxalq aləmdə ciddi narahatlıq doğurur.
Mədinə Cəlilova
18:40 25.06.2025
Oxunuş sayı: 10112
