"Çin İsrail-İran müharibəsinə diqqəti artıra bilər" - PROQNOZ
Yaxın Şərqdə gərginliyin artdığı bir vaxtda ABŞ Prezidenti Donald Trampın verdiyi açıqlama beynəlxalq ictimaiyyətin diqqətini yenidən ABŞ-İran-İsrail üçbucağına yönəldib. Tramp Çin Xalq Respublikasının İsrail-İran qarşıdurmasına müdaxilə ehtimalını istisna edərək Pekinin Tehrana hərbi yardım göstərəcəyinə inanmadığını bildirib. Onun fikrincə, Çin rəhbərliyi, bu prosesdə neytrallığını qoruyacaq. Lakin Pekinin İrana təyyarələr göndərməsi ilə bağlı yayılan məlumatlar bölgədə vəziyyətin daha da mürəkkəbləşəcəyini göstərir və bu, böyük güclərin dolayısı qarşıdurmasına yol aça bilər.
Mövzu ilə bağlı politoloq Oqtay Qasımov Crossmedia.az-a açıqlama verib:
“Hesab edirəm ki, Trampın bu əminliyi Çinin özünün də bu savaşın genişlənməsində maraqlı olmamasından və tezliklə bu savaşın bitməsini istəməsindən qaynaqlanır. ABŞ-də Çinin verə biləcəyi dəstəyi və bu məsələ ilə bağlı atacağı addımları yaxşı bilir. Düzdür, Çin tərəfindən müəyyən yardımların edilməsi ilə bağlı iddialar var. Amma bu iddiaların nə qədər düzgün olduğunu demək çətindir. Nəzərə almaq lazımdır ki, Çinin özünün İranda nəhəng investisiya layihələri var. Şübhəsiz ki, qoyulan bu investisiyaların qorunması ehtiyacı var. Bu baxımdan Çinin hazırda İran-İsrail məsələsinə diqqətinin artması gözləniləndir. Bu savaşın davam etməsi Pekin maraqlarına uyğun deyil”.
Ayhan
14:10 21.06.2025
Oxunuş sayı: 846
