BANM-də Elm və Təhsil Nazirliyinin nümayəndələri ilə görüş olub
Bakı Ali Neft Məktəbində Elm və Təhsil Nazirliyinin Elm və ali təhsil siyasəti şöbəsinin müdiri Turxan Süleyman və şöbə əməkdaşlarının iştirakı ilə BANM rəhbərliyi və əməkdaşları arasında görüş keçirilib.
Crossmedia.az BANM-a istinadən bildirir ki, görüşdə təhsil siyasətinin əsas istiqamətləri üzrə fikir mübadiləsi aparılıb, müasir ali təhsil sistemində qarşıya qoyulan hədəflər və onların icrası ilə bağlı məsələlər müzakirə olunub.
Şöbə əməkdaşları və BANM kollektivi arasında açıq dialoq şəraitində keçirilən bu müzakirələr ali təhsilin inkişafına dair birgə yanaşmaların formalaşmasına töhfə verib.
Görüşün sonunda qonaqlar üçün kampus turu təşkil olunub.
16:50 03.06.2025
Oxunuş sayı: 1105
