New York Times binası önündə İsrail əleyhinə etiraz: “Xəbərləriniz qərəzlidir”
ABŞ-nin nüfuzlu mətbu orqanlarından biri olan New York Times qəzetinin Nyu-Yorkdakı binası qarşısında Fələstin tərəfdarlarının iştirakı ilə etiraz aksiyası keçirilib.
Crossmedia.az ABŞ mətbuatına istinadən xəbər verir ki, etirazçılar qəzetin Qəzza ilə bağlı yayımladığı xəbərlərin qərəzli olduğunu bildirərək, New York Times və rəhbərliyinin hesabat verməli olduğunu vurğulayıblar.
Nümayişçilər həmçinin qəzetin baş redaktoru Cozef Kanın evinin qarşısında da aksiya keçiriblər.
Əllərində müxtəlif şüarlar yazılmış plakatlar daşıyan iştirakçılar, müstəqil və ədalətli jurnalistikanın vacibliyinə diqqət çəkərək medianın obyektiv informasiya yaymaq məsuliyyətinə sahib olduğunu bildiriblər.
Mədinə Cəlilova
04:00 29.05.2025
Oxunuş sayı: 1061
