Xarici xəbərlər
Danimarka parlamentindən SEPAH-a qarşı sərt təşəbbüs
Danimarka parlamenti İranın İslam İnqilabı Keşikçiləri Korpusunun (SEPAH) Avropa İttifaqının (Aİ) terror təşkilatları siyahısına salınması təşəbbüsü ilə çıxış edib.
Crossmedia.az xəbər verir ki, bunu Danimarkanın xarici işlər naziri Lars Lokke Rasmussen parlamentdə çıxışı zamanı bəyan edib.
Nazir SEPAH-ın İranda xüsusilə “məcburi hicab” siyasətinə qarşı çıxanlara qarşı sərt münasibətini əsas gətirərək, təşkilatın terrorçu qruplaşma kimi tanınmasının vacibliyini vurğulayıb.
“Məhsa Əmininin qətli və sonrakı etirazlara SEPAH-ın verdiyi reaksiyalar bu qurumun mahiyyətini aydın göstərir”, – deyə nazir qeyd edib.
Onun sözlərinə görə, SEPAH-ın terror siyahısına salınması ilə bağlı qanun layihəsi cümə axşamı parlamentdə səsverməyə çıxarılacaq.
Qəbul olunacağı təqdirdə, qərar Danimarka hökuməti üçün hüquqi qüvvəyə malik olacaq.
Aybəniz Səfərova
20:45 28.05.2025
Oxunuş sayı: 8686
