Lavrovdan Almaniyaya sərt xəbərdarlıq: “Birbaşa münaqişə iştirakçısı sayılacaq”
Rusiya Almaniyanın Ukraynaya uzaqmənzilli raketlər göndərməyə dair açıqlamalarını sərt şəkildə tənqid edib.
Crossmedia.az xəbər verir ki, Rusiya Xarici İşlər naziri Sergey Lavrov məsələ ilə bağlı çıxışında Berlinin Ukrayna münaqişəsinə getdikcə daha dərin şəkildə cəlb olunduğunu bildirib.
"Almaniya artıq dağılmaqda olan bir təyyarədən eniş edir və bu ölkənin bəzi hərbi təşəbbüslərini məntiq çərçivəsində izah etmək mümkün deyil", – Lavrov qeyd edib.
Nazir əlavə edib ki, Rusiya Almaniyada məsuliyyətli siyasətçilərin vəziyyəti düzgün qiymətləndirəcəyinə və bu təhlükəli gedişata son qoyacağına ümid edir. Əks halda, Moskva Almaniyanı birbaşa münaqişə iştirakçısı kimi qəbul edəcək və buna uyğun mövqe sərgiləyəcək.
Aybəniz Səfərova
20:38 28.05.2025
Oxunuş sayı: 1174
