Tramp: "Ukrayna ilə bağlı ciddi irəliləyiş olmasa, ABŞ nizamlanmadakı rolunu Avropaya təhvil verəcək"
"Ukraynadakı müharibə mənim müharibəm deyil, mən sadəcə kömək etməyə çalışıram".
Crossmedia.az xarici mediaya istinadən xəbər verir ki, bu sözləri ABŞ prezidenti Donald Tramp deyib.
"Məncə, Putinə kifayət etdi. Düşünürəm ki, o, dayanmaq istəyir.
Başımda qırmızı xətt var ki, o, zaman Rusiya-Ukraynaya təzyiq etməyi dayandıracağam. Bu qırmızı xəttin nə olduğunu deməyəcəyəm.
Ukraynada sülhə nail olmaq şansı var, ona görə də mən Rusiya Federasiyasına qarşı sanksiyaları artırmıram.
Mən 2-4 həftə ərzində Ukraynanın müharibəni həll etmək üçün yetərincə hərəkət edib-etmədiyini deməyə hazır olacam".
"Bəli", - Tramp Putinin sülh istədiyini düşünürmü sualına isə belə cavab verib.
O, Putinə güvənib-güvənmədiyini soruşduqda da “bəli” cavabını verib.
Tramp bildirib ki, Kiyevə silah tədarükünün artırılması variantını nəzərdən keçirəcək, lakin o, müharibənin tezliklə həllinə inanır.
10:03 20.05.2025
Oxunuş sayı: 9084
