Tramp: “Putinlə söhbətim çox yaxşı keçdi, Rusiya və Ukrayna danışıqlara başlayacaq”
ABŞ-ın keçmiş prezidenti Donald Tramp bildirib ki, Rusiya prezidenti Vladimir Putinlə iki saat davam edən görüşü "çox yaxşı keçib" və bu söhbətdən sonra Rusiya ilə Ukrayna arasında dərhal atəşkəs və tam miqyaslı müharibənin dayandırılması üçün danışıqların başlanacağı gözlənilir.
Crossmedia.az xarici mediaya istinadən xəbər verir ki, Tramp qeyd edib ki, danışıqların şərtləri yalnız tərəflərin özləri arasında razılaşdırılacaq: “Danışıqların təfərrüatlarını yalnız Rusiya və Ukrayna bilir. Söhbətin tonu və ruhu əla idi – əks halda, indi, dərhal bunu deyərdim”.
O həmçinin bildirib ki, Rusiya bu müharibə bitdikdən sonra ABŞ-la genişmiqyaslı ticarət əlaqələri qurmaq istəyir: “Rusiyanın iş yerləri yaratmaq və rifahı artırmaq üçün böyük potensialı var. Onun potensialı limitsizdir. Ukrayna da özünü yenidən qurarkən ticarətin əsas benefisiarına çevrilə bilər”.
Tramp söhbətdən sonra Ukrayna prezidenti Volodimir Zelenski, Avropa Komissiyasının sədri Ursula fon der Leyen, Fransa prezidenti Emmanuel Makron, İtaliyanın baş naziri Corcia Meloni, Almaniya kansleri Fridrix Mers və Finlandiya prezidenti Aleksandr Stubbla da danışdığını bildirib.
O, həmçinin vurğulayıb ki, Vatikan bu danışıqların öz ərazisində keçirilməsində maraqlıdır.
22:50 19.05.2025
Oxunuş sayı: 9238
