İspaniyanın Baş nazirindən sərt bəyanat: "İsraili beynəlxalq tədbirlərdən kənarlaşdırın"
İspaniyanın Baş naziri Pedro Sançes İsrailin Qəzza zolağında həyata keçirdiyi hərbi əməliyyatlara görə ölkənin beynəlxalq tədbirlərdən kənarlaşdırılmasını təklif edib. O, bu məsələ ilə bağlı Rusiyaya qarşı tətbiq edilən yanaşmanı nümunə göstərib.
Crossmedia.az xarici mediaya istinadən xəbər verir ki, Sançes mədəni tədbirlər də daxil olmaqla, bütün beynəlxalq platformalarda ikili standartların yolverilməz olduğunu bildirib:
“Üç il əvvəl Rusiya Ukraynanı işğal etdikdən sonra beynəlxalq yarışlardan, o cümlədən “Eurovision”dan uzaqlaşdırıldı. Bu qərar heç kimi təəccübləndirmədi. İndi isə eyni prinsip İsrailə də tətbiq olunmalıdır”.
Qeyd edək ki, İspaniya 2023-cü ildə İsrailə silah satışını dayandırıb və ötən il Fələstin dövlətini tanıdığını bəyan edib.
Aybəniz Səfərova
20:58 19.05.2025
Oxunuş sayı: 8787
