Qəzza yenə qana boyandı: Ölənlərin sayı 53 mini ötdü
İsrailin Qəzza zolağında həyata keçirdiyi intensiv hərbi əməliyyatlar nəticəsində son 24 saat ərzində 136 nəfər həyatını itirib. Onlardan 11-nin cəsədi dağıntılar altından çıxarılıb. 364 yaralı isə xəstəxanalara yerləşdirilib.
Crossmedia.az xarici mediaya istinadən xəbər verir ki, 7 oktyabr 2023-cü ildən bəri bölgədə ölənlərin ümumi sayı 53 475 nəfərə, yaralananların sayı isə 121 398 nəfərə yüksəlib.
Məlumata görə, İsrail ordusunun 19 yanvarda razılaşdırılmış atəşkəsi pozaraq 18 martdan etibarən başlatdığı hücumlar çərçivəsində son dövrdə daha 3340 nəfər ölüb, 9357 nəfər yaralanıb.
Hazırda Qəzzada minlərlə insanın hələ də dağıntılar altında qaldığı ehtimal olunur.
20:19 19.05.2025
Oxunuş sayı: 9424
