“Ən yaxşı təqdimat” müsabiqəsində 8 paytaxt məktəblisi fərqlənib
Ümummilli Lider Heydər Əliyevin anadan olmasının 102-ci ildönümü münasibətilə keçirilən “Ən yaxşı təqdimat” müsabiqəsində 8 paytaxt məktəblisi fərqlənib.
Crossmedia.az bu barədə Bakı Şəhəri üzrə Təhsil İdarəsinə istinadən xəbər verir.
IX-XI sinif şagirdləri arasında keçirilən “Ən yaxşı təqdimat” müsabiqəsinin nəticələrinə əsasən, Bakı Şəhəri üzrə Təhsil İdarəsinin tabeliyindəki məktəblər üzrə 2 nəfər II, 6 nəfər III dərəcəli diplomla təltif olunub.
Bakı şəhəri 61 nömrəli məktəbin XI sinif şagirdi Ülvi Osmanlı, 220 nömrəli məktəb-liseyin X sinif şagirdi Aysu Namazova II dərəcəli, 264 nömrəli məktəb-liseyin X sinif şagirdi Tərlan Əhədzadə, 85 nömrəli tam orta məktəbin XI sinif şagirdi İbrahim Alpaşayev, 287 nömrəli “Zəkalar” liseyinin XI sinif şagirdi Elcan Əsədli, 26 nömrəli tam orta məktəbin X sinif şagirdi Ayan Əliyeva, 299 nömrəli məktəb-liseyin XI sinif şagirdi Hüseyn Qafarzadə, 156 nömrəli məktəbin XI sinif şagirdi Mələkxanım Əmiraslanova III dərəcəli diploma layiq görülüblər.
Qeyd edək ki, Elm və Təhsil Nazirliyi, Heydər Əliyev Fondu, Yeni Azərbaycan Partiyası, Azərbaycan Təhsil İşçiləri Azad Həmkarlar İttifaqı Respublika Komitəsinin birgə təşkilatçılığı ilə keçirilən müsabiqənin əsas məqsədi Ulu Öndərin zəngin siyasi irsinin, həyat və fəaliyyətinin gənc nəsil tərəfindən öyrənilməsi işini daha da gücləndirməkdən ibarətdir.
12:30 14.05.2025
Oxunuş sayı: 8576
