Türkiyə və Şimali Kipr Türk Cümhuriyyətinin nümayəndə heyəti ADPU-da olub
Mayın 13-də Azərbaycan Dövlət Pedaqoji Universitetində (ADPU) Türkiyə və Şimali Kipr Türk Cümhuriyyətinin (ŞKTC) nümayəndə heyəti ilə görüş keçirilib.
Universitetin qonaqları arasında Türkiyə-Azərbaycan Parlamentlərarası Dostluq Qrupunun sədri Şamil Ayrım, Türkiyə-ŞKTC Parlamentlərarası Dostluq Qrupunun sədri Orxan Ərdəm, Doğu Akdeniz Universiteti Fondunun İdarə Heyətinin sədri Erdal Özcenk, Doğu Akdeniz Universitetinin rektoru Hasan Kılıç, həmçinin ŞKTC Prezidentinin siyasi işlər üzrə müşaviri Anıl Kaya yer alıb.
ADPU-dan Crossmedia.az-a bildirilib ki, görüş zamanı Azərbaycan Dövlət Pedaqoji Universitetinin təhsil strategiyası, beynəlxalq əməkdaşlıq sahəsindəki fəaliyyəti və perspektivləri barədə məlumat verilib. Tərəflər arasında ali təhsil, tələbə və müəllim mübadiləsi, elmi-tədqiqat əməkdaşlığı və birgə layihələrin həyata keçirilməsi istiqamətində fikir mübadiləsi aparılıb. Eyni zamanda, bu görüş qardaş ölkələr arasında təhsil əlaqələrinin daha da inkişaf etdirilməsi baxımından əhəmiyyətli bir addım kimi dəyərləndirilib.
19:14 13.05.2025
Oxunuş sayı: 6885
