Süveyda vilayətində yenidən qarşıdurmalar baş qaldırıb
Suriyanın Süveyda vilayətində yerli bədəvi tayfalar ilə druz silahlı dəstələri arasında növbəti dəfə qarşıdurmalar yaşanır.
Crossmedia.az bildirir ki, bu, son bir həftə ərzində tərəflər arasında artıq üçüncü gərginlik dalğasıdır.
Silahlı toqquşmalar, xüsusilə şeyx Hikmət əl-Hicriyə sadiq olan druz qruplaşmalarının Süveyda vilayətində bəzi bədəvi kəndlərini mühasirəyə almasına cavab olaraq, ərəb tayfalarının reaksiyası kimi baş verib.Hazırda toqquşmalar əsasən Əl-Talaa hərbi aerodromu və ona yaxın kəndlərdə müşahidə olunur.
Eyni zamanda İsrailə məxsus kəşfiyyat PUA-ları bölgədəki gərginliyə cavab olaraq Dəraa üzərində intensiv müşahidə uçuşları həyata keçirir.
Qeyd edək ki, Süveyda vilayətində mühüm demoqrafik qrup sayılan bədəvi tayfalar yaşayır. Onlar uzun illərdir ki, Süveyda şəhəri, Şahba və ətraf kəndlərdə məskunlaşıblar.Druz icması ilə bədəvi tayfalar arasında gərginliyin kökləri onilliklər əvvələ dayanır və bu qarşıdurmaların dərin tarixi səbəbləri mövcuddur.
Fidan Xəlilova
12:10 05.05.2025
Oxunuş sayı: 10069
