Çin Aİ-ni ticarət təzyiqlərinə qarşı sərt cavabla hədələyib
Çin Avropa İttifaqının ticarət məhdudiyyətlərinə qarşı Pekinin maraqlarını qorumaq üçün sərt addımlar ata biləcəyini bəyan edib.
Crossmedia.az xəbər verir ki, bu barədə “Bloomberg” məlumat yayıb.
Çinin Ticarət Nazirliyindən bildirilib ki, Brüssel Pekinin öz maraqlarını müdafiə etmək əzmini və imkanlarını kiçik hesab etməməlidir.
Xəbərdarlıq Avropa İttifaqının Çin mallarının Avropa bazarına çıxışını məhdudlaşdırmaq, hətta tamamilə bloklamaq imkanlarını nəzərdən keçirdiyi bir vaxtda səsləndirilib.
Qeyd edək ki, tərəflər daha əvvəl Çindən hibrid avtomobillərin idxalını ildə 350 min ədədlə məhdudlaşdırmaq barədə razılığa gəliblər.
21:17 16.10.2026
Oxunuş sayı: 166
