Bəndər Abbas limanındakı partlayışlarla əlaqədar 2 nəfər saxlanılıb
İranda ölkənin cənubundakı Bəndər Abbas limanındakı partlayışlarla əlaqədar 2 nəfər saxlanılıb.
Crossmedia.az bu barədə İranın SNN xəbər agentliyinə istinadən məlumat verir.
Son rəsmi məlumata görə, partlayış nəticəsində ölənlərin sayı 57 nəfər olub, onlardan 46-nın cəsədi müəyyən edilib, qalan 11 nəfər isə hələ də itkin düşmüş hesab olunur.
Aprelin 26-da İranın cənubundakı Bəndər Abbas şəhərində Şəhid Rəcai limanında partlayış baş verib. Rəsmi məlumatlara görə, ölənlərdən başqa 1300 nəfər də yaralanıb. Partlayışdan sonra baş verən yanğın yalnız aprelin 28-i axşam saatlarında tamamilə söndürülüb. Ölkənin Daxili İşlər Nazirliyinin rəhbəri Momeni hadisənin ilkin səbəbinin səhlənkarlıq və təhlükəsizlik tədbirlərinə əməl edilməməsi olduğunu bildirib.
10:06 05.05.2025
Oxunuş sayı: 7071
