Şimali Korea liderindən “müasir müharibə” çağırışı: “Daha çox istehsal edin!”
Şimali Koreya lideri Kim Çen In bir tank zavodunu ziyarət edərək, son texnologiyalı tankların istehsal prosesi ilə bağlı rəsmilərdən məlumat alıb. O, daha çox müasir tank və özüyeriyən artilleriya sistemlərinin istehsal olunması barədə göstəriş verib.
Beynəlxalq sanksiyalara baxmayaraq, Şimali Korea müdafiə sahəsinə yatırımlarını davam etdirərək müasir silah və sursatların istehsalını sürətləndirir.
Crossmedia.az ölkə rəhbərliyinin yaydığı açıqlamaya istinadən xəbər verir ki, Kim Çen In ziyarəti zamanı zavodda istehsal və modernləşmə prosesləri ilə tanış olub. Tanklarda istifadə edilən yüksək itişli mühərrik dizaynından və seriyalı istehsal imkanlarından məmnun olduğunu bildirən Kim, “Keçmiş əsrin zirehli texnologiyasını müasir texnologiya ilə əvəzləmək, ordunun modernləşdirilməsi baxımından ən vacib məsələdir”, – deyə bildirib.
Elektron müharibə sistemləri ilə təchiz edilmiş yeni tankların ölkənin istehsal texnologiyasında əldə etdiyi irəliləyişin göstəricisi olduğunu vurğulayan Kim Çen In, “Şərtlərin dəyişdiyi bir dövrdə tankların müasir müharibədəki rolunu və inkişaf istiqamətini düzgün müəyyən etmədikcə və tank dizaynına yanaşmamızı yenidən gözdən keçirmədikcə, zirehli qüvvələri uğurla qurmaq qeyri-mümkündür”, – deyə əlavə edib.
Bu çərçivədə, Kim daha çox müasir tank və özüyeriyən artilleriya sistemlərinin istehsalını artırmağı tapşırıb.
Mədinə Cəlilova
14:54 04.05.2025
Oxunuş sayı: 8099
